Cniotáil agus Cróiseáil
Bainfidh tú sult agus sásamh as a bheith ag obair le do lámha sa chúrsa 8 seachtaine seo. Is cuma más tosaitheoir nó feabhsaitheoir thú, beidh treoir, tacaíocht agus cuideachta breá agat le linn na gcruinnithe seachtainiúla seo agus tú ag foghlaim scileanna úra agus ag cruthú píosaí áille.
Féilire cúrsaí
- –
- Cniotáil agus Cróiseáil (7.00–9.00pm) Gleann Cholm Cille Gleann Cholm Cille €50 Cláraigh
Dírítear cúrsaí Oideachais Pobail ar dhaoine fásta de gach aois atá ina gcónaí in Iardheisceart Dhún na nGall. Cuireann na ranganna deiseanna oideachais agus deiseanna sóisialta ar fáil dóibh siúd ar mian leo scil úr a fhoghlaim nó ceird a chleachtadh i dtimpeallacht atá idir chairdiúil agus spreagúil.
Meascann na ranganna oíche seo scileanna traidisiúnta agus cruthaitheacht nua-aimseartha agus cuireann siad spás fáiltiúil ar fáil ina mbíonn daoine ag foghlaim, ag cleachtadh agus ag cur aithne ar a chéile. Cibé acu más seo an chéad uair duit snáth a phiocadh suas nó má tá tú ag filleadh ar sheanchaitheamh aimsire, gheobhaidh tú spreagadh, saineolas agus neart inspioráide.
Tá an cúrsa seo á mhaoiniú ag an tSeirbhís Tacaíochta Oideachais Pobail, Coláiste Dhún na nGall.
Clár ama
Beidh na ranganna ar siúl 7.00–9.00pm oíche Luain ag tosú ar an 28 Meán Fómhair 2026. Beidh sos lár téarma ann i ndiaidh Seachtain 4, rud a fhágann nach mbeidh aon rang ar an 26 Deireadh Fómhair. Is ar an 23 Samhain a bheidh rang deiridh an chúrsa ar siúl. Tá ocht rang mar aon le sólaistí gach oíche san áireamh le táille an chúrsa.
Múinteoir
Is as Gleann Cholm Cille do Mary P. Byrne ó dhúchas. Tá dúil mhór aici sa chróiseáil, sa chniotáil agus san obair le teicstílí. Tá sí i ndiaidh an bua a fháil, dhá bhliain i ndiaidh a chéile, i gCraobhchomórtas Cheardaíocht Lámhdhéanta Traidisiúnta na hÉireann.
