Cúrsa Gaeilge 1 (Tosaitheoirí)
Bunchúrsa do thosaitheoirí nó dóibh siúd nach bhfuil ach beagán taithí acu ar an Ghaeilge a labhairt.
Féilire cúrsaí ar líne
- (Cúrsa lae)
- Cúrsa Gaeilge 1 (Tosaitheoirí) — 10.00am–4.00pm GMT €50 Cláraigh
- (Cúrsa lae)
- Cúrsa Gaeilge 1 (Tosaitheoirí) — 3.00–8.00pm GMT €50 Cláraigh
Más rud é go ndearna tú an cúrsa seo uair amháin cheana, agus gur mhaith leat an chéim eile a thógáil ag foghlaim na teanga, caith súil ar Chúrsa Gaeilge 1+.
Cuir eolas ar cheann de na teangacha is suimiúla agus is saibhre san Eoraip. Beidh na ranganna seo, a ullmhaíodh go speisialta ar mhaithe leis an fhoghlaim ar líne, mar threoir agat agus tú ag dul i ngleic le céadchéimeanna na teanga. Bainfidh tú buntáiste as ceachtanna struchtúrtha ina mbeidh béim phraiticiúil ar an teanga labhartha. Cuirfear ábhar foghlama agus ábhar fuaime ar fáil do na rannpháirtithe roimh gach rang. Beidh neart deiseanna agat an méid a fhoghlaimeoidh tú a chleachtadh i dtimpeallacht spreagúil phléisiúrtha.
Tá an cúrsa seo dírithe orthu siúd nach ndearna aon staidéar ar an Ghaeilge roimhe seo nó atá i ndiaidh a bheith ag foghlaim leo féin gan mórán deiseanna chun comhrá a dhéanamh le cainteoirí líofa. Ó am go chéile baineann daoine a bhfuil méid áirithe staidéir déanta acu, ach atá as cleachtadh, tairbhe as an tuiscint atá acu ar ghnéithe bunúsacha den teanga a neartú fosta.
Amchlár
Freastalóidh rannpháirtithe an chúrsa seo ar cheann amháin den dá dhianchúrsa lae a bheidh ar siúl ar an Satharn, 7 Feabhra nó ar an Satharn 21 Feabhra 2026. Tá seisiúin ar maidin agus um thráthnóna á gcur ar fáil le go mbeidh daoine in Éirinn agus ar fud an domhain ábalta teacht ar na cúrsaí. Baineann na hamantaí ranga agus aon amantaí eile a luaitear ar an suíomh seo leis an am áitiúil in Éirinn (GMT)—tabhair aird air seo, le do thoil, má bhíonn tú ag féachaint ar an fhéilire cúrsaí agus tú i do chónaí thar lear.
