Breathnófar ar rogha amhrán agus dánta i rith an chúrsa. Tabharfar míniú ar na téacsanna agus déanfar plé ar an chúlra agus ar an chiall a bhaineann leo. Díreofar ar fhuaimniú ceart na bhfocal agus beidh seans ag gach duine a bheith ag ceol i dtimpeallacht spreagúil phléisiúrtha. Is minic a fhaightear léargas ar nathanna cainte nó ar chultúr agus stair na hÉireann sna hamhráin agus san fhilíocht araon. Deis iontach atá anseo cur le do thuiscint ar an teanga agus do stór focal a shaibhriú.

Tugtar do d’aire go bhfuil an cúrsa seo dírithe ar thosaitheoirí agus ar dhaoine a bhfuil meánleibhéal Gaeilge acu. Más cainteoir Gaeilge líofa thú, seans go mbainfeá tairbhe as Scoil Samhraidh Teanga & Cultúir Oideas Gael i mí Iúil, áit a mbíonn ceardlann amhránaíochta ar an tsean-nós gach bliain.