This is an advanced course and will be delivered entirely through the medium of Irish.

Tá an cúrsa seo dírithe orthu siúd a bhfuil Gaeilge mhaith acu, nó a bhfuil go leor staidéir déanta acu ar an Ghaeilge, ach a bhfuil deiseanna cleachtaidh agus comhrá de dhíth orthu. Cuirfidh tú snas ar do chuid scileanna teanga trí thopaicí níos casta a phlé. Úsáidfear meascán téacsanna éisteachta, físe agus scríofa leis an chomhrá a spreagadh agus beidh idir chúrsaí reatha, chúrsaí litríochta agus chúrsaí an tsaoil faoi chaibidil. Beidh plé áirithe ar an ghramadach ach ní cúrsa i gcruinnscríobh na Gaeilge a bheidh ann: díreofar ar na scileanna teanga uilig ach cuirfear béim ar dheiseanna comhrá a thabhairt do na rannpháirtithe. Bainfidh na rannpháirtithe tairbhe as curaclam saincheaptha, agus ábhar foghlama a chuirfear ar fáil dóibh, a bheidh do mhúinteoir in ann a chur in oiriúint do riachtanais an ghrúpa.

Amchlár

Freastalóidh rannpháirtithe an chúrsa seo ar cheann amháin nó ar an dá dhianchúrsa lae a bheidh ar siúl ar an Satharn, 7 Feabhra agus ar an Satharn 21 Feabhra 2026. Pléifear gnéithe éagsúla den teanga ar an dá lá agus is féidir freastal ar an dara lá fiú muna raibh tú i láthair ag an chéad chúrsa. Baineann na hamantaí ranga agus aon amantaí eile a luaitear ar an suíomh seo leis an am áitiúil in Éirinn (GMT)—tabhair aird air seo, le do thoil, má bhíonn tú ag féachaint ar an fhéilire cúrsaí agus tú i do chónaí thar lear.